Voye yon koli ann Ayiti pa ta dwe mande ni yon jounen, ni yon favè. Ak ViTViT, ou voye nenpòt pake nan vil la menm jan ou rele yon kous: ou mande li nan app la, yon chofè verifye pran li, epi ou swiv li jiskaske li rive. ViTViT ap louvri toupatou ann Ayiti — li kòmanse ak Okay.
Kijan voye yon koli mache
Ou chwazi kote chofè a ap pran pake a ak kote li prale — ak referans, jan nou konn bay direksyon tout bon: legliz la, mache a, twa kay apre boutik wouj la. Yon chofè verifye aksepte, li pran pake a, epi wout la kòmanse. Ou pa bezwen kanpe nan lari ap tann.
Swiv li, epi resevwa prèv
Ou wè kote koli a ye an tan reyèl, tout wout la. Lè chofè a remèt li, li pran yon foto kòm prèv livrezon — ou pa rete ap mande tèt ou si li rive, ou wè li.
Konbyen sa koute
- Livrezon koli — apati HTG 275 / pake
- Peman — kach, san kat, san kont labank
- Livrezon pwograme — chwazi jou ak lè davans si ou vle
Pou fanmi ak biznis
Se konsa manje rive jwenn yon grann, dokiman rive nan yon biwo, machandiz soti nan yon boutik rive jwenn kliyan li. Si w ap viv aletranje: se moun ou yo ann Ayiti k ap sèvi ak app la sou plas — men yo pa bezwen tann yon moun ki "gen wout" ankò pou yon bagay ka deplase.
Konsèy pou yon livrezon san pwoblèm
- Byen mare pake a. Yon pake ki byen fèmen vwayaje pi byen sou moto.
- Bay yon bon referans pou kote l ap rive — sa fè chofè a jwenn moun nan pi vit.
- Rete bò telefòn ou — chofè a ka rele pou konfime, san li pa janm wè vrè nimewo ou.